Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Prăm bơta àng (Tam ngai dơ̆prăm)
Dùl: Kơlôi Kơnràñ Jesu dờp bơta pơnđum tam dà Jordano. He ddăn lă geh kis di-pal la kòn Yàng.
Bàr: Kơlôi Kơnràñ Jesu lòt ñô bao tam Kana. He pin lă geh pindờn kơ̆dơ gơnoar Khai dê.
Pe: Kơlôi Kơnràñ Jesu yal-bơto Lơgar trồ mơ hòi-jà ềng-màl. He dăn lă geh nus màl mơ wă-dờp jơnau Yal-niăm.
Poan: Kơlôi Kơnràñ Jesu srơh să hơđang bơnơm. He dăn lă geh iăt mơ lơh jăt jơnau Yàng.
Prăm: Kơlôi Kơnràñ Jesu lơh gơs Tềl-gơnrơh Să Mhàm niam goh. He dăn lă geh trơyang tamklăc bal mơ Kơnràñ Jesu tam Tềl-gơnrơh do.
Tŭrăc ñòng, lồc răc jơnau Gơklŏ gen răc jơnau Ơ Kơnràñ Jesu:
Ơ Kơnràñ Jesu, dăn hồ tis bol kòn in, dăn tơngklàs bol kòn bài dùh tam anih ồs yan sùm, mơ dăn cèng ală sồp-soàn guh trồ, ngăn lah ală sồp-soàn, kờñ kơnờm dơ nus nđàc sơngit Đi dê rơlau.
Dilah răc ñòng cau chơt in, lồc răc jơnau Gơklŏ geh răc jơnau Ơ Kơnràñ :
Ơ Kơnràñ , dăn ai sồp-soàn…….. in (ală sồp-soàn in) geh rơlô lơngai rài rài, mơ dăn tơmbềng khai (bol khai) mơ bơta àng-gơcrà.
