Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Prăm bơta gơklŏ
(Tam ngai dơ̆poan, ngai dơ̆poh, mơ tam ală ngai-yàng kàl kis wơl mơ kàr dar năm)
Dùl : Kơlôi Kơnràñ Jesu kis wơl. He dăn lă geh kis wơl ngăn đah sôp-soàn.
Bàr: Kơlôi Kơnràñ Jesu guh trồ. He dăn lă geh nus gơboh-gơbài mơ ală bơta tam trồ .
Pe: Kơlôi Yàng Nhơm mù. He ddăn lă geh nus bềng lìu ală bơta hàng-goh Yàng dê.
Poan: Kơlôi Mè Maria geh Yàng tơngguh hơ trồ. He dăn lă geh chơt niăm tam tê Mè dê.
Prăm: Kơlôi Mè Maria geh Yàng tơngklŏ He dăn lă mơ Mè dong he geh bơtoah bal mơ Mè tam lơgar trồ.
Tŭrăc ñòng, lồc răc jơnau Gơklŏ gen răc jơnau Ơ Kơnràñ Jesu:
Ơ Kơnràñ Jesu, dăn hồ tis bol kòn in, dăn tơngklàs bol kòn bài dùh tam anih ồs yan sùm, mơ dăn cèng ală sồp-soàn guh trồ, ngăn lah ală sồp-soàn, kờñ kơnờm dơ nus nđàc sơngit Đi dê rơlau.
Dilah răc ñòng cau chơt in, lồc răc jơnau Gơklŏ geh răc jơnau Ơ Kơnràñ :
Ơ Kơnràñ , dăn ai sồp-soàn…….. in (ală sồp-soàn in) geh rơlô lơngai rài rài, mơ dăn tơmbềng khai (bol khai) mơ bơta àng-gơcrà.
