Ngai Yàng bar kàl Poăn-jơ̆t – sơnam B

Năm B

Bơta đăl dùl: Crơnggơ̆s 22. 1-2, 9a,10-13, 15-18

Phan gơsơ̆t-pơdơng Abraham, pàng-yau he dê.

Đăl tam Sră Crơnggơ̆s.

Tam ală ngai hơ̆, Kơnràñ lòng Abraham mơ đơ̆s mơ khai be do: “Abraham, Abraham!” Khai hơ wơl: “Ơi , do añ!” Kơnràñ đơ̆s: “Mê cèng tĕ Isaac, kòn dùl gơboh mê dê, mơ lòt tŭs hơ ù Moria, tềng hơ̆, mê rơ̆p pơdơng khai gơ̆s phan chu lơh-yàng hơ đăng bơnơm Añ rơ̆p sơnđio mê in.” Tŭ bàr nă tŭs hơ tiah Kơnràñ neh sơnđio, Abraham lơh dùl jơnào, mơ rơndăp lòng hơ đăng, lồc gen căp Isaac, tơnơn hơ đăng gơnru lòng. Abraham pờ tê ai đào làng gơsơ̆t lơh-yàng kòn he. Tŭ hơ̆ huềng-duh Kơnràñ dê bơh trồ hòi khai be do: “Abraham, Abraham!” Khai hơ wơl: “Ơi, do añ!” huềng-duh đơ̆s: “Bañ gơsơ̆t oh dêt mơ bañ bư dơ khai, bơh tŭ do Añ gĭt mê duh-ngòt Kơnràñ, tiăn tŭs ờ pơndăng pơdơng cau kòn dùl lơm Añ in.” Abraham tơngờ măt, gŏ tơnơ̆ ngkời he geh dùl nơm belàt dăm, găm kòl ngke tam rơlau, Abraham kŭp mơ gơ, mơ lơh-yàng ala să kòn he in huềng-duh Kơnràñ dê hòi Abraham dơ̆ bàr mơ đơ̆s be do: “Kơnràñ đơ̆s: Añ sơntơ̆m be do: bơh mê neh lơh bơta hơ̆, mê ờ pơndăng pơdơng cau kòn dùl lơm mê dê Añ in, gen Añ yălniăm mê in, Añ ai mê in deh-dùh oh kòn rơ̆-rà be sơrmañ tam trồ, be bràs tam dà-lềng, jơi-bơtiàn mê rơ̆p sơmbăt mpồng bòn bol sò-tơ̆m dê, mơ bơh jơi60 bơtiàn mê, ală làng-bol hơ đăng măt ù rơ̆p geh yălniăm, bơh mê neh dờn bơr Añ.”

Hơ̆ jơnau đơ̆s Kơnràñ dê.

Nrĭ-nrềng: 115. 10 mơ 15, 16-17, 18-19

Hw: Añ rơ̆p cơnđoà lòt dơ đăp măt Kơnràñ tam ù-tiah cau kĭs dê. Añ pin-kơnờm jơh sơl tam tŭ añ đơ̆s: Să kĭs añ kong-kòl bòl-glăr tơl đah! Dơ đăp măt Kơnràñ, kuơ-màng ngăn bơta chơ̆t bol niămgoh Khai dê. Hw

Ơ Kơnràñ, añ gơ̆s dĭ-gơna Đi dê, kòn klau cau ùr-duh Đi dê, Đi neh tơrkă pă che srĕng añ in. Añ rơ̆p pồ-pơdơng dơ Đi bơr jờngrơ gơ̆s phan lơh-yàng, mơ añ rơ̆p hòi-dăn sơnđăn Đi. Hw Añ rơ̆p prăp wil-tơl bơr khoai-dăn mơ Đi, dơ đăp măt jơh mơ làng-bol Đi dê, tam rơng hìu Đi dê, tam gùl nùs mê, ơ Jerusalem! Hw

Bơta đăl bàr: Rm 8. 31b-34

Yàng ờ hồ-lời Kòn tờm he dê. Đăl tam sră Paulo, cau Dờp-pơyoa bơtoăh, pơyoa bol Roma in. Ơ oh mi kờñ-gơboh, di lah Yàng dong-tò he, gen ñcau rơgơi tam dră mơ he taih ? Khai ờ hồ-lời Kòn tờm he dê, mơya neh jào-phi wơl Kòn tài bơh jơh ală he, gen Khai ờ pà wơl he in ală bơta bal mơ Kòn Khai sơl lah ờ ? Ñcau rơ̆p kŭp tìs bol cau mơ Yàng neh rơwăh taih ? Di-belah Yàng, Bơtau pơnsong-dơpă sơl ờ ? Ñcau rơ̆p yal glài bol khai taih ? Di-belah Jesu Kristo, Bơtau neh chơ̆t mơ rơlau tai neh kĭs wơl, găm nggui đah ma Yàng, krung găm tò-gàr he in sơl ờ ? Hơ̆ jơnau đơ̆s Kơnràñ dê. Jơnau đăl lài Jơnau Yălniăm: Bơh tam mhoal àng-gơcrà, geh săp Yàng Bàp đơ̆s be do: Do gơ̆s kòn añ gơboh-gơbài, bol mê iăt tĕ bơr Khai.

Hơ̆ jơnau đơ̆s Kơnràñ dê.

 Jơnau Yălniăm: Mk 9. 2-10

Do lah Kòn kờñ- gơboh Añ dê.61 Đăl tam Jơnau Yălniăm niămgoh jăt Marko. Tŭ hơ̆, Kơnràñ Jesu cèng Petro, Jakobe mơ Joan, mơ lăm mìng bol khai guh ĭs hơ đăng bơnơm jơnhoa. Kơnràñ srơh-să dơ đăp bol khai; ào Kơnràñ gơ̆s àng-gơcrà, bò ngăn, tiăn tŭs ờ geh cau lơi tam dunia rơgơi pìh bò be hơ̆. Mơ geh Elia bal mơ Moise tơnggŏ măt mơ bol khai, mơ boh-bơr mơ Kơnràñ Jesu. Hơ wơl, Petro đơ̆s mơ Kơnràñ Jesu: “ Ơ Rabbi, bol he ơm ndo gen niăm; bol kòn rơ̆p lơh pe nơm sàl: dùl nơm Đi in, dùl nơm Moise in, mơ dùl nơm Elia in.” Kơyoa Khai ờ gĭt đơ̆s chi lơi; tài bơh bol khai nrơ̆t-ngòt. Geh mhoal gơ gòm bol khai, mơ bơh mhoal gơ tŭs săp: “Do lah Kòn kờñ-gơboh Añ dê; bol kòn iăt tĕ Khai.” Tŭ hơ̆ mơ, bol khai sền gùt-dăr mơ ờ gŏ cau lơi tai, mìng dùl nă Kơnràñ Jesu lơm bal mơ bol khai. Tam tŭ bol khai mù bơh bơnơm, Kơnràñ sồr bol khai bañ yăl wơl cau lơi in ală bơta bol khai neh gŏ, mìng tŭ Kòn kòn-bơnŭs neh kĭs wơl bơh bol cau chơ̆t. Bol khai prăp jơnau sồr hơ̆, mơ tam lùp bal ñchi lah jơnau: “kĭs wơl bơh bol cau chơ̆t.”

Hơ̆ jơnau đơ̆s Kơnràñ dê.