Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Mk 12, 28b-34
Đăl tam Jơnau Yălniăm niămgoh jăt Marko
Jơnau sồr lài jơh
28 Dùl nă tam bol gơnoar-cih, tus lùp Kơnràñ: ‘‘Jơnau lơi lah jơnau sồr lài jơh tam jơh ală jơnau sồr taih ?” 29 Kơnràñ Jesu hơ wơl: ‘‘Jơnau sồr lài jơh lah: ‘‘Iăt tĕ, ơ Israel: Kơnràñ Yàng he dê lah Kơnràñ dùl-lơm, 30 mơ mê pal gơboh mơ Kơnràñ Yàng mê dê jơh nùs, jơh soàn, jơh tồr mơ jơh pràn mê.” * 31 Jơnau sồr bàr lah: ‘‘Mê pal gơboh mơ gơp mê be să tờm mê.” Ờ geh jơnau sồr ndai dờng rơlau mơ bàr jơnau hơ̆.” 32 Cau gơnoar-cih đơs mơ Kơnràñ: ‘‘Di, ơ Pôgru, Đi neh đơs di ngăn: ‘‘Yàng lah dùl-lơm, mơ ờ gơs Yàng ndai tai, mìng Khai lơm; 33 gơboh Khai jơh nùs, jơh tồr, jơh pràn” mơ: ‘‘Gơboh mơ gơp be să tờm he”, gen lah rơlau mơ jơh ală phan chu gŭc mơ ală phan pơdơng.” 34 Kơnràñ Jesu gŏ khai hơ wơl jăk-chài, gen đơs mơ khai: ‘‘Mê ờ ngài mơ lơgar trồ.” Mơ ờ geh cau lơi khin lùp Kơnràñ tai.
Hơ̆ jơnau đơ̆s Kơnràñ dê.
