Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Lk 13, 31-35
Đăl tam Jơnau Yălniăm niămgoh jăt Luka
Pì Herode
31 Tam jiờ hơ̆, geh dŭt cau Phariseo tus đơs mơ Kơnràñ: ‘‘Lòt tĕ, lik bơh tềng do, tài bơh Herode kờñ gơsơt Đi.” * 32 Kơnràñ đơs mơ bol khai: ‘‘Lòt tĕ, đơs mơ kòn pì hơ̆: ‘‘Do, ngai do mơ ngai hìng, Añ bơtrơh cà mơ tơmbời ală bơta kòp-jê, mơ ngai pe Añ bơsir. 33 Mơya ngai do, ngai hìng mơ ngai hìngnau, Añ pal lòt, tài bơh dùl nă cau ala-bơr chơt hơ bơdìh Jerusalem gen ờ di.”
Kơnràñ Jesu lah-pơrhơng Jerusalem
34 Ơ Jerusalem, Jerusalem, mê gơsơt bol ala-bơr, mơ to lŭ bol cau neh geh pơyoa tus mơ mê. Git nđờ dơ̆ Añ neh kờñ tơrgùm oh kòn mê dê, be iar me tơrgùm ală kòn gơ dê hơđơm đar, mơya bol mê ờ bài. 35 Do hìu bol mê dê kong lời srau dò bol mê dê. Mơya Añ đơs mơ bol mê: Bol mê rơp ờ gŏ Añ jơl tus tŭ bol mê đơs: ‘‘Yalniăm Bơtau tus bơh sơnđăn Kơnràñ.”‘‘
Hơ̆ jơnau đơ̆s Kơnràñ dê.
