Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Jo 3, 31-36
Đăl tam Jơnau Yălniăm niămgoh jăt Joan
Tŭ hơ̆, Joan đơ̆s tàng lơh cơng gơrềng bơh Kơnràñ Jesu lah: 31 Bơtau tus bơh hơđăng, gen ơm hơđăng jơh ală cau; cau gơs bơh ù, gen gơrê mơ ù mơ đơs gơrềng bơh ù. Bơtau tus bơh trồ, gen ơm hơđăng jơh ală cau; 32 Khai lơh cơng bơta Khai neh gŏ mơ neh kơno, mơ ờ geh cau lơi dờp cơng Khai dê. 33 Cau lơi dờp cơng Khai dê, gen neh tap băng-kì: Yàng lah ngăn-ngồn. 34 Kơyoa Bơtau mơ Yàng neh pơyoa tus, gen đơs ală jơnau Yàng dê, tài bơh Yàng pà Khai in Nhơm ờ jai kờp. 35 Bàp gơboh mơ Kòn mơ neh pà jơh ală bơta tam tê Khai. 36 Cau lơi pindờn dơ Kòn, gen geh bơta kis sùm; ai cau lơi ờ pindờn dơ Kòn, gen rơp ờ gŏ bơta kis, mơya bơta gơjrañ Yàng dê ơm wơl hơđăng khai.
Hơ̆ jơnau đơ̆s Kơnràñ dê.
