Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Mt 13, 24-30
Đăl tam Jơnau Yălniăm niămgoh jăt Mattheo.
Jơnau pơniơu ñhơt cèo
24 Kơnràñ ai jơnau pơniơu ndai đơs mơ bol khai: ‘‘Lơgar trồ ndrờm be dùl nă cau sih gar niăm tam sre he dê. 25 Tam tŭ ală cau bic, gen cau sò-tơm khai dê tus sih ñhơt cèo hơđăng, tam gùl kòi mơ lik-lòt. 26 Tŭ kòi neh hòn mơ gơlik plai, gen tŭ hơ̆ krung gŏ gơlik ñhơt cèo. 27 Bol duh-broă cau tờm hìu dê tus đơs mơ khai: ‘‘Ơ ồng, ờ di ồng neh sih gar niăm tam sre ồng dê ơ ? Be hơ̆ mbơh geh ñhơt cèo taih ?” 28 Cau tờm đơs mơ bol khai: ‘‘Cau sò-tơm neh lơh bơta hơ̆.” Bol duh-broă đơs mơ khai : ‘‘Ồng kờñ bol hi lòt tơrgùm gơ ờ ?” 29 Khai đơs: ‘‘Ờ; ngòt dơ̆ tơrgùm ñhơt cèo, bol mê krung dus kòi bal mơ gơ, 30 lời tĕ jơh bàr dờng bal jơl tus kàl tơwès. Tam tŭ tơwès, añ rơp đơs mơ bol tơwès: Lài jơh tơrgùm tĕ ñhơt cèo, căp gơs ală tơrñăp làng chu gơ, ai kòi, gen tơrgùm prăp tĕ tam đăm añ dê.”‘‘
Hơ̆ jơnau đơ̆s Kơnràñ dê.
