Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Jo 6, 16-21
Đăl tam Jơnau Yălniăm niămgoh jăt Joan
16 Tŭ mho tus, bol jăt-dờn Kơnràñ dê mù hơ dà-lềng, 17 mơ lồc hào ahò, bol khai tus hơ Kapharnaum, đah ne dà-lềng. Trồ neh jơngo, mơ Kơnràñ Jesu ờ hềt tus mơ bol khai. 18 Dà-lềng lơnggăc bơh càl dờng khồm. 19 Tŭ neh was pơgăp mờr tus prăm ngŏlah prau kơi-sồ, bol khai gŏ Kơnràñ Jesu lòt hơđăng dà-lềng mơ tus rềp mơ ahò, mơ bol khai rơngòt. 20 Mơya Kơnràñ đơs mơ bol khai: ‘‘Añ do, bañ rơngòt !” 21 Bol khai kờñ rò Kơnràñ mut tam ahò, mơya tŭ hơ̆ mơ, ahò neh tus hơ tiah bol khai kờñ lòt.
Hơ̆ jơnau đơ̆s Kơnràñ dê.
