Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Jo 14, 27-31a
Đăl tam Jơnau Yălniăm niămgoh jăt Joan
27 Añ lời bơta ring-lơngai bol kòn in, Añ pà bơta ring-lơngai Añ dê bol kòn in; Añ pà bol kòn in ờ di be dunia pà. Nùs bol kòn bañ ờ suk mơ bañ rơngòt. * 28 Bol kòn neh kơno lah, Añ neh đơs mơ bol kòn: Añ lik-lòt mơ Añ tus wơl mơ bol kòn. Dilah bol kòn gơboh mơ Añ, gen bol kòn rơp chờhờp, bơh Añ lik-lòt hơ Bàp, bơh Bàp dờng rơlau mơ Añ . 29 Tŭ do, Añ neh đơs mơ bol kòn lài mơ tŭ bơta hơ̆ gơlik gơs, làng tŭ gơlik gơs, gen bol kòn pindờn. 30 Añ ờ đơs oă jơnau mơ bol kòn tai, kơyoa cau lăm-bồ dunia tus, mơ khai ờ geh chi lơi tam Añ, 31 mơya làng dunia git lah Añ gơboh mơ Bàp, mơ Añ lơh di be jơnau sồr Bàp neh ai Añ in.
Hơ̆ jơnau đơ̆s Kơnràñ dê.
