Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Lk 12, 35-38
Đăl tam Jơnau Yălniăm niămgoh jăt Luka
Pal răk-rơcăng kơp-gơn cau tờm rê
35 But bol kòn pal kơt tĕ, mơ đèng pal chu tĕ, 36 bol kòn gơs tĕ ndrờm be bol cau kơp-gơn cau tờm he dê rê bơh ñô-bao, làng tŭ khai rê tus mơ teh mpồng, gen pờ mơ khai in. 37 Bơtoah bol duh-broă hơ̆, tŭ cau tờm rê tus, gŏ bol khai găm ơm drơng. Di ngăn, Añ đơs mơ bol kòn, cau tờm rơp kơt but, ai bol khai ơm dơ cơnờng sào, mơ tus duh-broă bol khai. 38 Dilah cau tờm rê tam jiờ drơng dơ̆ bàr ngŏlah tam jiờ drơng dơ̆ pe, mơ gŏ be hơ̆, gen bơtoah bol hơ̆ in.
Hơ̆ jơnau đơ̆s Kơnràñ dê.
