Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Lk 10, 38-42
Đăl tam Jơnau Yălniăm niămgoh jăt Luka
Bàr nă kơnùr Marta mơ Maria
* 38 Tam tŭ Kơnràñ mơ bol jăt-dờn lòt gùng, Kơnràñ mut tam bòn ne, mơ geh dùl nă cau ùr ne sơnđăn lah Marta wă-rò Khai. 39 Cau ùr do geh dùl nă oh ùr sơnđăn lah Maria, oh ùr do nggui dơ jơng Kơnràñ, iăt jơnau Khai dê. 40 Marta giga bơh oă bơta duh-broă; khai tus mơ đơs: ‘‘Ơ Kơnràñ, oh ùr añ lời mìng añ duh-broă mơ Đi ờ kơlôi ơ ? Be hơ̆, dăn Đi sồr khai dong añ bà.” 41 Hơ wơl, Kơnràñ đơs mơ khai: ‘‘Marta, Marta, ai kơlôi-rơcăng mơ ờ suk ơm bơh oă bơta, 42 mơya mìng dùl bơta pal geh lơm; Maria neh rơwah bơnah niăm rơlau jơh, lah bơnah ờ geh cau lơi rơgơi tampìt bơh dơ khai.”
Hơ̆ jơnau đơ̆s Kơnràñ dê.
