Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Yălniăm Mt 8, 18-22
Đăl tam Jơnau Yălniăm niămgoh jăt Mattheo.
Cau jăt-dờn pal săng-lời jơh ală bơta
18 Gŏ ală mpồl làng-bol gal gùt dar Khai, Kơnràñ Jesu sồr tiă đah bơtĭ ne. 19 Dùl nă cau gơnoar-cih tus đơs mơ Khai: ‘‘Ơ Pôgru, añ dăn jăt Đi bulah Đi lòt tiah lơi .” 20 Kơnràñ Jesu đơs mơ khai: ‘‘Pì geh trồm, sềm tam trồ geh rơsòn, mơya Kòn kòn-bơnus ờ geh tiah sơnđìng bồ.”
21 Dùl nă tam bol jăt-dờn Kơnràñ dê đơs mơ Khai: ‘‘Ơ Kơnràñ, dăn ai kòn in lài rê tơp bàp kòn.” 22 Mơya Kơnràñ Jesu đơs mơ khai: ‘‘Jăt tĕ Añ, mơ lời tĕ cau chơt tơp cau chơt bol khai dê.”
Hơ̆ jơnau đơ̆s Kơnràñ dê.
