Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Ngai 17 kơnhai 3 sơnăm 2024, tăm hiu pơrjum dềt Giêrađô, Bình Thạnh Sài Gòn, ală kòn bơsrăm tăm mpồl Việt Tộc Sài Gòn neh tơrgum bal bê kờt mờng ờs bol khi dê, du kơnhai dul dơ̆. Bàp-yal-lơh-yàng Pier Trần Công Vang neh bơntào mpồl do làng dong-kờl kờn bơsrăm kòn cau dê tam gung bosrăm.
Ngai do, ngai Yàng Prăm tăm kàl Poăn Jơ̆t, bơh phàm jiơ drim, bol kòn bơsrăm neh tơrgum bal. Sơnrơp bol khi kơnhơl bal bar pe nơm jơnău kơnhơl bơh pugru Mpồl Yàng Dờng Klàs neh lăm. Tă bơh gen, bol khi crăp đơs crĭs tam tŭ rơp pơrjum. Jiơ gen geh bap nggui hồ tìs bol khi in, lang crăp hwềng sòan wă Yàng tăm gung kŏng kho mơya Yàng Wơl Kis mong tus hă. Lồc rau jơnau hơ̆, bol khi pơrjŭm Yal-lơh-yang, tăm jiơ gen geh bar nă bap-yal-lơh-yang bơh mpồl Yàng Dờng Klàs pơdơng Yàng.
Bơh rà ƀon Đắk Lắk, Lâm Đồng, Bình Phước, Gia Lai, Kon Tum, Đăk Nông, mơya ra kon cau: Ma, K’Ho, M’Nông, Jrai, Rhade, Bahnar,.. bol khi dùl nùs bal bal. Jơnau chơbrờn tơ kềng muh măt bol khi dê, gơrềng geh rà ngăn jơnau niam bol khi in. Rùp bol khi làh têl Yàng ơm bal, Yàng lăm gùng mơya Yàng pơniam. Bŭ lăh rà kon cau, rà dà đơs, bol khi ơm kis bal brờn bràn ngăn, ơ geh jơnau tam cơlah. Jơnau hơ̆ gơ bai yal he in geh tềl tăm pùt tăm klăc dơ nggùl bol khi.
Wờl niam bol khi in ngăc ngăr, jăk chài tăm gung bơsrăm, lơh cơng Yal Niam in tăm rai kis, mơya bol khi ăt sum jơnau niam gen tăm rai kis bai hìng nău git dong kơl ƀon lơgar kon cau bol khi dê.
SG 17/03/2024
Cau Yal Git
