Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Ơ Joseph niăm-goh
Ơ Joseph niăm-goh, Cau Gràng-gàr Pơrjum-niăm, Đi di-pal ngăn geh tơl tiah jờngrơ jăt sơnđăn dờng-màng tam jơnau Yalniăm lah cau duh-broă niăm mơ kơ̆-mềr neh geh Yàng pin-kơnờm mơ jào jơh jơtài lơgar trồ.
Ngăn be hơ̆, tam jơnau rơndăp ndơp-ndơr Yàng dê, đi geh rơwah gơs Cau Bơyô Maria, Ùr tơmo dê, mơ tam jơi-nòi đi dê, Kòn Yàng gơs cau tam jơi-bơtiàn bơtau David neh gơboh- gơbài hòi đi lah bàp. Tŭ do, tam lơgar trồ gơklŏ, Đi lơh broă dùl nă cau Dong-Gàr dê, kờl- bol pindờn in tam làng-bol Yàng dê.
Ơ Joseph niăm-goh, Cau Gràng-gàr Pơrjum-niăm, bol kòn jờngrơ đi lah cau song-dơpă neh gơs krơh àng dùl rài niăm-goh be jơnau Yalniăm bơto-sồr: bơh bơta dờn bơr đi dê, Jơnau Đơs neh lơh sir-tơl niăm-bơnĕ bơta ndơp-ndơr Gơs Poăc Să tam gùng kis rơbah- rơbừp, đi neh bal mơ Kơnràñ Jesu mơ Mè Maria lơh rơ̆-ru rài kis ală hìu-bơnhă in.
Đi ơm kis sàng-goh tai làng prăp-gàr Mè Yàng dê. Dăn kờl răc Pơrjum-niăm in mơ rà jơnau kơp-kờñ mơ jơnau kơp-dăn ơm kơ̆-mềr tam broă lơh, làng jơh ală ntum làng-bol Yàng dê bal mơ đi ờ dơh tơngklŏ Yàng mơ duh-broă jơnau kuơ-màng oh mi he in. Amen.
