Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Phàm bơta bơtoah
Dùl: Bơtoah cau nùs rơƀah-rơƀừp, bơh lơgar trồ gơrê mơ bol khai.
Bàr: Bơtoah bol cau niăm-lơnhơn, bơh bol khai rơp geh ù-tiah.
Pe: Bơtoah bol cau ñìm-moăt, bơh bol khai rơp geh pơndờm-pơnđiang.
Poan: Bơtoan bol cau jơgloh tơhìr bơta song-ring, bơh bol khai rơp geh hờm.
Prăm: Bơtoah bol cau nđàc-sơngit, bơh bol Khai rơp geh sơnđàc.
Prau: Bơtoah bol cau nùs sàng-goh, bơh bol khai rơp gŏ Yàng.
Poh: Bơtoah bol cau pơring-lơngai, bơh bol khai rơp geh hòi lah kòn Yàng.
Phàm: Bơtoah bol cau kong kup -kơriăn bơh bơta song-ring, bơh lơgar trồ gơrê mơ bol khai. Chờhờp mơ rơhờn tĕ, bơh phan jờng dờng ngăn tam trồ
