Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Ưnngài Yàng
Ơ Yàng, kòn pindờn kơnhăp Đi ơm làm trồ làm tiah, ngăn lah tam bă do. Kòn duh khoai Đi, tờm crơnggơs mơ gơnoar ăt kòn, kòn jào dơ Đi.
Ơ Yàng, kòn ưnngài Đi neh crơnggơs kòn neh tơwài kòn, mơ lơh kòn in gơs cau pindờn. Kòn krung ưnngài Đi, bơh jơh ală jơnau niăm ndai, kòn neh dờp bơh dơ Đi, ngăn lah bơh Đi neh sền gàr kòn măng ti.
Tamklăc bal mơ Jesu Kristo, Kơnràñ bol kòn, kòn pơdơng Đi in, jơh ală jơnau kơlôi, jơnau đơs, broă lơh, mơ jơnau bòl-glar kòn dê, làng tơngklŏ ngăn Đi. Kòn kờñ ngăn kis niăm rơlau dơ lài-òr, mơ tamdră, mƀài tơnroh nùs Đi.
Ơ Yàng, dăn dong kòn prăp nền jơnau kòn hơ. Maria niăm-goh, Mè Yàng dê, răc hàñ kòn in. Huềng-duh gàr kòn, răc hàñ kòn in. Joseph niăm-goh răc hàñ kòn in. Cau niăm-goh gàr kòn răc hàñ kòn in. Bol cơng-nhàm niăm-goh Việt Nam, răc hàñ kòn in. Jơh bol niăm-goh tam trồ, răc hàñ kòn in. Amen.
