Răc dăn hìu-bơnhă in

A: Ơ Kơnràñ Jesu, bol kòn pin kơ̆: gùng tambao mơ hìu-bơnhă lah broă crơng-gơs Yàng dê, broă bơta gơboh, jăk-chài mơ niăm-goh dê. Bol kòn pindờn: Đi kờñ mơ Đi sùm pà bơta hàng-goh làng gùng tambao geh bơtoah tam bơta dùl-lơm mơ kơ̆-mềr tam broă deh-dùh mơ tơngguh bơta kis.

Ơ Kơnràñ, Đi neh gơboh mơ bơtào gùng tambao gơs Tềl-gơnrơh: dăn Đi dong ală yô bao in kis kơ̆-mềr bal, ai me bàp in git-kah broă bơtê-bơto oh kòn, ai oh kòn git dờn-duh mơ git gơboh mơ me bàp. Dăn ai ală rơnàng kơnòm in jòi bàn tam hìu-bơnhă bơta dong-kờl kơ̆- nhăp khà-màng gơs kòn-bơnus bol khai dê in mơ geh dờng-gơs tam jơnau ngăn mơ nus gơboh.

B: Ơ hìu-bơnhă niăm-goh Nazareth, gơs krơh àng rài kis niăm-goh, song-ring mơ gơboh dê, dăn ai hìu-bơnhă bol kòn in gơjềng anih bơtùng bơta mờng niăm tam lơnhơn, duh-broă mơ răc dăn. Dăn ai bol kòn in git bơt-bơtào hìu-bơnhă gơjềng bơta pơndờm-pơnđiăng rài kis bềng bơta tơlòng in. dăn ai bol kòn in git lơh jơh ală cau tam hìu-bơnhă geh tơngguh làng geh bơnah tam broă crơng-tơngguh ntum-jơi mơ lơh broă bal tam bơta bơtào Pơrjum- niăm.

Dăn Pe Nă sùm tòm măt tam hìu-bơnhă bol kòn, tŭ chờhờp krung be tŭ moăt-jrùng, tŭ lơh broă krung be tŭ rơlô bòl, tŭ kơlôi-kơnòl krung be tŭ kơp-kơnờm, tŭ deh kòn krung be tŭ geh cau găn rài, làng tŭ lòt găn ală bơta gơmù gơhào gùng rài dê, bol kòn sùm sùm yalniăm Yàng jơl tus ngai geh pơrjum bal mơ Pe Nă tam Lơgar Trồ. Amen.