Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Răc dăn ală cau-kristo in geh tamklăc gơs dùl
Ơ Yàng gơs sùm mơ tờm gơnrơh, Đi tơrgùm ală bơta tamcah, mơ prăp-gàr ală bơta geh tơrgùm, dăn Đi ring nùs wèt sền mpồl belàt Kòn Đi dê, làng ală cau dùl Tềl-gơnrơh pơnđum neh pơniăm goh-rơyŭ, gen geh bơta pindờn wil-tơl tam bơrkuăt mơ geh che kờñ gơboh tơrbŏ gơs dùl jơi-ntum. Bol kòn dăn gơ gen bơh Kristo, Kơnràñ bol kòn. Amen.
