Jơnau Yal Niam Kơnràñ Jesu đơs: ‘‘Añ lah gùng, bơta ngăn mơ bơta kis; ờ geh cau lơi tus mơ Bàp, dilah ờ găn Añ.” Dilah bol kòn neh git Añ, gen bol kòn krung rơp git Bàp Añ; mơ bơh tŭ do, bol kòn git Khai mơ neh gŏ Khai” (Jo 14, 6-7).
Kaĕng lồc gĕn Abel
Adam ma Eve dĕh kòn rà ngăn. Jơ̆h bàr nă kòn bol khăi dĕh lài sơ̆nđăn Kaĕng, lồc gĕn Abel. Kaĕng jềng cău lơ̆h sre, nùs khăi gơ̆dăn ƀôăh sùm, gơ̆ dăn ƀôăh sùm. Abel tăi, khăi jềng cău grăp be, nùs khăi sŏng dơpă, lồc gĕn ndơ̆n niăm.
Jơ̆h bàr nă gĕn yăl jơnău-lơ̆h-yàng tơ Bàp-Yàng. Abel yăl-lơ̆h-yàng ma bè-làt niăm. Kaĕng tăi, khăi yăl-lơ̆h- yàng ma plăi chi gời. Bàp-Yàng gĭt nùs bol khăi, gĕn dờng khăi dờn jơ̆nău-lơ̆h-yàng Abel dê, ma ờ gŏ hăn dờn jơ̆nău Kaĕng dê. Bơ̆h gơ gĕn, Kaĕng ƀôăh ŏh khăi Abel, mŭh măt khăi cơ̆nơ̆ng sùm.
Cơ gơ gĕn, Bàp-Yàng lăh khăi in: ’‘Ơ Kaĕng, Sigơ̆lơ̆h mê ƀôăh ŏh mê, tàih? Dilăh mê yăl Añ in jơnău niăm jơnău hèr kờt ŏh mê Abel, ŏng lăh Añ rơnăm mê, Añ pơniăm mê kờt khăi ya. Ma dilăh mê kư̆ lơ̆h iơ̆h, kư̆ ƀôăh sùm ŏh mê bê gĕn, hìng-nău mê di kŏng-rơ̆ƀăh wơ̆l rơ̆màl tìs gĕn. Lời lă! Abơ̆ng ƀôăh tăi ŏh mê bê gĕn, wàih!”
Kaĕng tăi, khăi dơchơ̆t tồr ờ lŭi bài từp jơ̆h gơ Bàp-Yàng sồr, khăi kư̆ ềng sùm Abel tăm nùs. Dul ngăi, Kaĕng bơchŭi Abel, ŏh khăi lòt ma khăi tăm mìr. Pa tŭs tăm gĕn Kaĕng nklờn Abel tơ ngko, lồc gĕn pờng dơchơ̆t. Bĕ mơ, Bàp-Yàng lăh tơ Kaĕng: ‘‘Ơ Kaĕng, tăng brê ŏh mê ơ̆m, tàih?”
Kaĕng bờm ma nùs gơ jrañ: ‘‘Ơ̆ gŏ gĭt khăi dê, ờ! añ jềng cău grăp ŏh añ, ĭh? ‘‘ Bàp-Yàng wơ̆l lăh: ‘‘Ơ Kaĕng, gơ mê lơ̆h gĕn, tăih? Mhàm ŏh mê Abel gơ gŭh bơ̆h tiăh tùs tơ Añ sồr Añ căhrơna mê!” “Kơ̆yôa mê lơ̆h bê gĕn, Añ bơrtăp mê: hìng-nău, mê dô sa rờp bơ̆h dă tău ne, bơ̆h ne tău dă, Hìng-nău, mê lòt lềng lềng làng làng tăm tiăh gĕn rău mê tờmƀơ̆ ma mhàm ŏh mê Abel! ‘‘
Klo gơ gĕn, Kaĕng ơ̆ lŭi kơnờm tăi, khăi lăh: ‘‘Tìs añ alăp ìr kơnjơ̆, wàih! Bàp-Yàng ờ gŏ lŭi sơ̆nđăc añ tăi, ờ! ‘‘
Tă gĕn, Bàp-Yàng lơ̆h dul nơ̆m tềl Kaĕng in. Gĕn, Kaĕng iăh bơ̆h Bàp-Yàng, lồc gĕn dô sa rờp.
………………………………………
Abel chơ̆t ờ gŏ gĕh tìs, jềng rùp JÊSU-KRĬSTÔ, Cău ờ gŏ lŭi gĕh tìs, yăl-lơ̆h-yàng niăm tơ Bàp-Yàng. Kaĕng tăi, khăi jềng rùp Jưda, jềng rùp Cău-cơlăh-ma-gơ̆p, lồc gĕn pơlào Juifs ƀôăh ngăn JÊSU, Tơnchơ̆t Khăi tô Chi-Kăl.
Nội dung được lấy từ:
Sră goh Bơng-kŭa Yau
Center Montagnard
Les Péres Rédemtoristes
DàLat (Fyan) VietNam
Bol cau mblàng Sr.Dàmin CsR
Rev, Sylvère Drouin C.Ss.R.
Lé Pè ré Rédemtoristes
Dà làc (Fyan) Vietnam.
Pôgru K’Pŏh (Pàng – Tìng) ƀòn Dà-làc.
1e Edition: Fête
du Christ-roi, 27 Oct.1957
2e Edition: Fête du SS.Redempteur: 19-7-1959
3e Edition: Fête de la Toussaint: 1 nov.1964.
