Jơnău tìs mò-pàng

Mơta II : Jơnău tìs mò-pàng

Gĕn 1: Bàp-Yàng pơjềng Hwềng-Đàm

Bơh chŭp bơ̆h chờm, Bàp-Yàng pơjềng sơ̆l rà ngăn bol Hwềng-đàm, lồc gĕn ơ̆n bol khăi tăm brê niăm sơnđăn Trồ. Jơ̆h bol gĕn niăm ngăn, brờn ngăn. Ma gĕh dul nờm mpồl dờng tăm bol Hwềng-đàm, ờ bài từp bơ̆r Bàp-Yàng. Gĕn dờng, Hwềng-đàm Michel ma bol Hwềng-đàm niăm hồm từp bơ̆r Bàp-Yàng, Bol khăi tăm lơ̆h ma Bol Hwềng- đàm iơ̆h, sơnđăn Cà-kơ̆h. Bol Cà-kơ̆h alăh, lồc gĕn gơdùh tăm Brê-Rơƀăh. Hwềng- đàm ăt-bồ bol gĕn sơnđăn Satan ngŏ Lucifer.

Adam ơ̆m tăm Wàr-niăm

Bơh chŭp bơ̆h chờm, Bàp-Yàng pơjềng sơ̆l dul nơ̆m Wàrniăm ngăn, lồc gĕn ơ̆n Adam tăm gĕn, tăm brê gĕn, gĕh tơ̆l mơta chi plăi niăm ngăn bơkăh ngăn.

Tăm nhòng Wàr gĕn gĕh bràr nơ̆m chi kơ̆nrơ̆h: Chi ăi ơ̆m jŏ sùm sùm, lồc gĕn Chi tơ̆nggĭt jơnău niăm jơnău iơ̆h.Bàp-Yàng lăh ma Adam: ‘‘Ăñ pơha mê sa kăt gơbŏh gơbài tơ̆l mơta plăi chi tăm wàng do ma abơ̆ng sa plăi Chi kơnrơ̆h Chi tơ̆nggĭt jơnău niăm jơnău iơ̆h gĕn, yơ! Dilăh mê sa, mê chơ̆t ngăn hìng nău! ‘‘

Tă gĕn Bàp-Yàng lăm jơ̆h jơ̆i-pôăn-jơ̆ng tău Adam, bàikhăi sơnđăn măt jơ̆h bol gơ. Gŏ jơ̆h bol gĕn, Adam brờnngăn, lồc gĕn sơnđăn jơ̆h bol gơ.

Bàp-Yàng pơjềng cău-ùr lài: Eve

Dul ngăi, Bàp-Yàng lăh: ‘‘Dul nă cău-klău ơ̆m dĭs ờ gŏ niăm ờ gŏ gơjềng. He, pơjềng lă khăi in dul nă cău-ùr dŏng kờl khăi! ‘‘ Gĕn Bàp-Yàng tờm-bĭc Adam lơhă ngăn.

Bàp-Yàng tă dulnơ̆m ntìng làng-pàs, lồc gĕn pơjềng cău-ùr.Tăm tŭ Adam lŭh bơ̆h bĭc, Bàp-Yàng jào cău-ùr gĕn tăuAdam. Adam brờn ngăn, lồc gĕn sơnđăn khăi Eve gơ bàilăh: ’‘Me jơ̆h să cău’’ Jơ̆h bàr nă bol gĕn ơ̆m brờn ngăn tămWàr niăm. Bàp-Yàng sơđàc ngăn bol khăi.Yào ngăi yào ngăi, Bàp-Yàng tăm tìp ma bol khăi, tăm, mbơ̆h brê ma bol khăi, kờt dul nă bàp ma kòn.Bol khăi sa plăi chi kơnrơ̆h ăi ơ̆m jŏ sùm, gĕn dờng bolkhăi klàs kòp jê, lồc gĕn klàs chơ̆t sơ̆l.

Adam ma Eve brờn ngăn tăm Wàr Niăm. Gŏ bol khăi ơ̆m lơngăi lơngăp. Cà-kơ̆h “ôăh, ăi să kờt bơ̆s, lồc gĕn jòe jơnău bài tămplào. Dul ngăi, Eve lòt tău tờm chi kơnrơ̆h tơ̆nggĭt jơnău niăm jơnău iơ̆h.

Bơ̆s lăh khăi in: ‘‘Ơ Ùr gĕn, Sigơlơ̆h Bàp-Yàng bơngkŏ ờ gŏ ăi bol ăi in sa plăi chi do tàih? ‘‘ Eve wơ̆l bờm: ‘‘Ăñ ờ gŏ gĭt, ờ! Dilăh he sa căk he chơ̆t, abơgĭt! ‘‘ Cà-kơ̆h wơ̆l lăh: ‘‘Bùh, tăih! ờ gŏ lŭi, ờ, ờ gŏ lŭi bol ăi chơ̆t, ờ! Sơlơ̆ ya hơ̆. Dilăh bol ăi sa, bol ăi gơjềng kờt Yàng, gơdê gĭt ngăn jơnău niăm jơnău iơ̆h! ‘‘ Eve tăi, khăi cơ tơ plăi gĕn, khăi hòr dà diău, sơlăi cơ, sơlăi bơkăh. Tă gĕn, Eve pĕ plăi dul nơ̆m, lồc gĕn sa. Tă bơ̆h sa, Eve pĕ dul nơ̆m tăi, ăt Adam in sa ya.

 Gĕn rău, Mò-pàng he lơ̆h tìs lài ma Bàp-Yàng. Bĕ mơ, tồr Adam ma Eve gơ pờ mơ, bol khăi nrơ̆t ngăn, bol khăi “assìl ơ̆m să kŭh. Gĕn dờng, bol khăi tàñ ñha chi bài ngŭi. Kơyôa bol khăi rơngòt ngăn Bàp-Yàng lăh, bol khăi ơ̆m ờm dăh ngkời chi tăm Wàr-Niăm.

Bàp-Yàng bơrtăp Adam ma Eve lồc gĕn tòn pơyôa
Cău-Dờng-Klàs

 Nisơna, Bàp-Yàng lòt tòm ma bol khăi, lồc gĕn hòe: ‘‘Ơ Adam, tăng mê ơ̆m, tiàh? ‘‘ Adam wơ̆l bờm ma rơngòt rơndờm: ‘‘Ơ Nhờm, Ăñ rơngòt mê, kơyôa Ăñ “assìl ơ̆m să kŭh’‘. Bàp-Yàng lùp tăi: ‘‘Cău pơ yăl bol mê in “assìl ơ̆m să kŭh? – căk bol mê sa plăi Chi kơnrơ̆h Ăñ bơngkŏ gĕn, abơgĭt, đa đà? ‘‘.

Adam wơ̆l bờm: ‘‘Eve ăi Ăñ in, gĕn dờng Ăñ sa! ‘‘ Bàp-Yàng wơ̆l lùp Eve: ‘‘Sigơlơ̆h ăi lơ̆h bê gĕn, wàih? ‘‘

 Eve wơ̆l bờm: ‘‘Bơ̆s gơdê tăm plào Ăñ, gĕn dờng Ăñ sa, wàih! ‘‘

Gĕn Bàp Yàng căhrơna, lồc gĕn lăh tơ bơ̆s: ‘‘Ơ bơ̆s, kơyôa mê bơnchŭc sồr lơ̆h bê gĕn, bơ̆h dĭng-hơ̆ do tơ̆t tơ hìng-nău, mê jềng iơ̆h rơlău tơ jơ̆h gơ ndăi tăm tiăh do, mê srơ̆ng ma kơndŭl, lồc gĕn sà bùh ù sùm tăm tŭ rài jŏ mê! Ăñ tăm-cơlăh cău-ùr ma mê, Ăñ tăm cơlăh rài cău-ùr ma rài mê, hìng-nău, cău-ùr gĕn jă bồ mê, mê rờndŭh kăp tơ kơndờl jơ̆ng khăi, ma ờ gŏ lŭi mê jăi! ‘‘

Tă gĕn Bàp-Yàng bơrtăp Eve: ‘‘Ơ Eve, hìng-nău, ăi dĕh kòn rơ”ăh ngăn, ăi di jăt, ăi di từp bơ̆r sùm, tơ bău klău ăi! ‘‘ Dŭt bơ̆h ngkời, Bàp-Yàng lăh tơ Adam: ‘‘Mê tăi, kơyôa mê lơ̆h ngang ma Ăñ, Ăñ bơrtăp ù tiăh, sồr gơ jềng kơdăng lơ̆m iơ̆h lơ̆m, tăm gĕn, gơ hòn klăp gơ hòn lò gời. ‘‘Hìng-nău, mê lơ̆h brôă kơjơ̆ gơhòr dà sơ-ŭh, bềng să
bềng jăn, ma mê kŭng ờ tơ̆l gĕh phăn sa. Kờt gĕn sùm tơ̆t tơ mê chơ̆t! Gĕn, mê rê tăi tăm ù, kơyôa mê gơjềng bơ̆h bùh u, hìng-nău, mê gơjềng bùh tăi’‘.

Lồc lăh bê gĕn, Bàp-Yàng bơnsŏh Adam Eve ma gơltău jơ̆i pôăn jơ̆ng, lồc gĕn sồr Hwềng-đàm bơrtơ̆h bơ̆h brê Wàrniăm.  

 

Nội dung được lấy từ: 

Sră goh Bơng-kŭa Yau

Center Montagnard

Les Péres Rédemtoristes 

DàLat (Fyan) VietNam

Bol cau mblàng Sr.Dàmin CsR
Rev, Sylvère Drouin C.Ss.R.
Lé Pè ré Rédemtoristes
Dà làc (Fyan) Vietnam.
Pôgru K’Pŏh (Pàng – Tìng) ƀòn Dà-làc.

1e Edition: Fête
du Christ-roi, 27 Oct.1957
2e Edition: Fête du SS.Redempteur: 19-7-1959
3e Edition: Fête de la Toussaint: 1 nov.1964.