Dùl Nă Cau Kra Lòt Tăc Bềl Jòi Be

Tam tŭ ồng-kra gen lòt tăc bềl ngài ngăn tam bòn cau, khai huĭ gùng, ờ gŏ git gùng lòt. Geh gùng rà ngăn mơ ờ gŏ git bòn lơi tus. Khai lòt pơndiă gùng dềt ngài ngăn.

Trồ mờr mho rau, khai tus tam bòn klìu dê, khai ngòt ngăn lồc bê hơ̆ gen khai kờñ wơl tai gùng ndai, gơya trồ neh măng rau, lòt tus pơndiă tam hìu klìu, mbe mơ klìu wă lồc gen lùp khai: ơ ồng-kra, ntềng ñchồ mê lòt? Khai hơ mơ grơm să ngòt sùm: kơyoa tam bòn gen bà gơs klìu bà gơs cau: añ lòt tăc bềl jòi be, klìu đơs khai in: mut tĕ tam hìu añ, ai bol hi in blơi bềl gen, bol hi ai be sơl mê in, mê kờñ lah ơ? Ồng-kra dờn lồc be gen mut bic đau mơ ngòt gơrơm să. Klìu lùp: Mê kờñ sa piang pat, piang gời? ÒÂng-kra hơ wơl: añ kờñ sa piang pat! Be hơ̆ klìu trŭ piang, ai khai in sa, hờm sa, bic.

Tam tŭ bic măng, khai ngòt ngăn, khai klo sùm bol klìu ñcun gùt dar bòn, bol gơ lòt jòi jơnau sa tàm tŭ măng. Drim tŭ pa guh bic, klìu lùp: Ơ ồng-kra, nđờ mê tăc bàr nơm bèâl do? khai wơl hơ mơ klìu: bàr nơm bềl do añ dăn bàr nơm be sơl. Klìu dờn lồc gen blơi, lòt ai kơñau be bơh bòn cau lồc gen tong khai in. Hờm sào drim, bol klìu ngòt khai rê is dùl nă, be hơ̆, ai bàr nă klìu gơs cau lòt jun khai tus tam bòn tờm. Khai rê rau mơ bàr nă klìu.

Tus tam gùng mơ bol khai tìp dùl nơm gơbai, gen tàng, bàr nă klìu lùp khai: Ơ òâng-kra, mê sền ờ, poăc gơbai bol hi kăp tơnchơt mê in, ih? Khai hơ: di ya bol mê sơnđàc, kăp ală añ in. Be hơ̆, bàr nă klìu sồr khai guh tờm chi, bàr nơm be kơt jơh tề tờm chi. Să òâng-kra guh tề đăng, klìu yal khai in: Ơ ồng bañ mê ngòt bol hi yơ! Khai hơ: ih, añ ơ gŏ ngòt. Dùl êt tai, klìu lòt ngài bơh khai, lồc gen bic rơlừng, be hơ̆ gơs bàr nơm klìu yăn ngăn, bàr nă bol gơ kăp tơnchơt dùl nơm gơbai. Tam tŭ bol gơ kăp gơbai, ồng-kra ngòt ngăn, bơh cồng chi, lồc gen khai nggà: Ơ ŏh mi, bañ lơh be gen, añ ngòt gơ dê waih! Bol klìu ờ gŏ iăt, kăp sùm gơbai tus chơt tơn. Neh chơt gơbai, bol khai hòi ồng-kra mù bơh cồng chi, òâng kra mù rau, bàr nơm klìu gengơs cau wơl tai, khai ờ gŏ ngòt tai. Bol klìu bàr nă lồc gen khai tah poăc gơbai dăp jơh tam dùl nơm sah bài, tơ gen klìu àñ khai in sah bài, să tờm khai rê gời mơ tề bàr nơm be.

Aêpbơlăh neh chơt gơbai khai sồr tai tus tam bòn tờm, bol klìu lời, sồr: ngăc yơ òâng-kra, bàr nơm be do, mê brê tus tơ hìu tờm, lồc gen dùl sah bài poăc gơbai do, mê ai pà jơh ŏh mi bòn lơgăr in yơ, dilah, mê sa dùl nă hìu mê ơ gŏ jai, khai hơ wơl: ơi, di rau, lồc gen bàr nă klìu rê wơl tam bòn tờm. Neh lồc bol kìu rê rau, lồc ông kra rơlô bòl, khai àñ sah bài rê tai, khai rê ngăn rê ngăn àñ poăc gơbai mơ tề bàr nơm be. Aêpbơlăh tam bàr pe kilômet khai rê, gơbàn tăc che sah, khai wơl lơh tai. Lồâc rau lơh che sah, khai àñ rê tai. Che sah tăc tai sơl, khai wơl lơh tai. Lồc rau lơh, àñ rê tai, dùl êt tai, che sah tăc tai, trồ mơr măng rau, che sah tăc sùm tăc sùm tus tơ pŏh phàm dơ̆.

Trồ măng rau, rê ờ gŏ jai tai. Ồng kra kơlôi yăn sùm, chài bic tam brê gen, ai ồs trơneh sĭng. Lồc gen bic lơhă ngăn. Kơyoa khai bòl ngăn, bic ơ gen dờng, khai ơn bềng-liang rềp tơ ồs duh ngăn, khai ơ gŏ kah bic lơhă ngăn tus tơ ngùl măng. Be mơ, ồs sa sŏ khai, krung ờ gŏ khai kah sơl, bic sùm lơhă be gen, mơ ồs ờ gŏ sa rà, gơ sa dùl êt sŏ mơ gen dờng khai ơ gŏ kah. Be mơ bàr nơm klìu lòt jun khai, klo cau yal bơh trồ, lồc gen lah bàr nơm klìu gen in: Nõchi gơlơh bol mê lời dùl nă cau gơbàn măng bic tam gùng rơbah rơbừp ngăn dùl nă khai? Khai bic mìñ ồs, ồs sa sŏ khai mờr jơh. Oâng kra klo bàr nơm klìu jù, khai ngòt ngăn, khai sĭng ồs rà ngăn, kơyoa khai ngòt sùm. Bol klìu jù lòt sùm tus tam brê òâng kra gen bic, khai ngòt ngăn, gen tàng khai răc yàng mơ lah be do: Ơ òâng pàng yàng dờng, sơnđàc lă añ cau rơbah rơbừp, gơbàn măng rê jòi be, bơh bòn ŏh mi ngài ngăn, lòâc gen tăc che sah, añ àñ poăc gơbai ŏh mi ai añ in.

Dùl êt tai, bol klìu gen wơl gơs cau, lòt tus tơ khai lồc gen lah khai in: ñchi gơlơh mê bic tam do, ồng kra? Khai wơl yal klìu in: Kơyoa añ ờ jai àñ poăc gơbai lồc gen tăc che sah sùm sùm lồâi gùng lồi rơng tus tơ pŏh phàm dơ̆, gen tàng añ bic tam do. Bol klìu lah tai khai in: Bol hi ờ git ya mê bic tam do, bol hi bic lơhă ngăn tam hìu tờm, bol hi klo bơr cau đơs, lồc gen yal bol hi in bơh trồ, ya ờ gŏ, bol hi ờ gŏ git, cau gen lah bol hi in: Bol mê guh lă, lòt sền cau bic tam gùng, sŏ khai neh ồs sa rau, be gen cau lah bol hi in. Lồc rau đơs ndrăng bol khai, klìu ai sah làng àñ lồc gen jun tai ồng kra in mơr tus tơ pơnggàr bòn. Tus rau rềp tơ pơnggàr bòn, bol klìu tơngăc lồâc gen lah ồng kra in: Ngăc mê yơ, òâng kra, mê ai lă jơh poăc lồc gen gơbai do cau ndai in bà sa, di sa dùl nă mê ờ gŏ jai.

Tam tŭ rơlau òâng kra mut tam hìu, bol klìu jòi sur, kăp bàr nă bàr nơm sur, lồc gen rê tai tam bòn tờm. Oâng kra tai, lồc rơlô bòl, khai ai bàr nơm be, ơn tam tơrlòng, lồc gen tă jơh poăc gơbai bơh tam sah, poăc gơbai gen gơs rà ngăn, riăp dùl hìu sa krung ờ gŏ jai jơh. Khai hờn ngăn lồc gen yal jơh ală cau ndai in: Kơyoa khai khin ngăn lòt tăc bềl tam bol klìu. Tam tŭ trồ mờr mho rau, khai ai pòr siăm sur, khai git sur khai rŏh bàr nơm neh klìu kăp rau, khai ờ gŏ đơs dùl jơnau, kơyoa khai git bàr nơm klìu gen kăp, bồ ală bol klìu jun khai, gen tàng, bol gơ kăp bàr nơm sur. Bơh tam tŭ gen, khai ờ gơs ngòt mơ klìu, khai neh git rau, tam tŭ khai lòt tam bòn klìu dê, ờ gŏ klìu kăp.