Bàp-Yàng pơjềng trồ tiăh

Bơ̆h chờm-òr tơ̆t tơ năm 2000 ờ hềt Jêsu Krĭst dĕh

Mơta I : Bàp-Yàng pơjềng trồ tiăh

Bơ̆h chờm òr, Bàp-Yàng Pơjềng Trồ tiăh. Tăm tŭ hơ̆, tiăh hồm ngơ̆t-ngòt ñăt rơñôăng, ờ gĕh phăn lơ̆i phăn lơ̆i. gĕh jơngo lơ̆m, làm brê, gĕh dà jrô ngăn. Gĕn Bàp-Yàng lăh: ‘‘Gĕh lă Àng sơrdăh! ‘‘Bĕ mơ, gơjềng Àng sơrdăh. Gơ gĕn Bàp-Yàng pơjềng tăm ngăi dul. Ngăi bàr, Bàp-Yàng lăh: ‘‘Trồ, jềng lă! ‘‘ Gĕn, trồ gơjềng bĕ mơ.

Ngăi pe, Bàp-Yàng lăh tăi: ‘‘Ơ dà lềng trơ-gùm băl lă, ơ ù tiăh, tŭh lă bơ̆h dà lềng’’. Bĕ mơ, ù tiăh mpờl, lồc gĕn gơjềng ƀòn, gơ jềng Lơgăr, gĕn ma gĕh ù tiăh dà lềng, dà căt, dà crŏh, dà me.

Tă gĕn, Bàp-Yàng sồr chi-gle tơ̆l mơta hòn làm ù làm tiăh. Bĕ mơ, gĕh chi-gle, gơ lĭk bơkào tơ̆l mơta gĭt kơlềk kơlàk: ‘‘Dŭm, kò, bò, pơrhê, lồc gĕn gĕh klăp, ñhơ̆t, tơ̆ng ya’’.

Ngăi pôan, Bàp-Yàng lăh: ‘‘Jềng lă jơnău gơcràl tăm trồ! ‘‘Bĕ mơ, Măt Tơngăi, Kơnhăi, Sơrmăñ gơcràl rŭng-rŭng.

Ngăi prăm, Bàp-Yàng lăh tăi: ‘‘Jềng lă Kĭt Ka tăm dà, lồc gĕn Sềm Răc mơdìh! ‘‘Bĕ mơ, gĕh Kĭt Ka, Sềm Răc, drờm kờt Bàp-Yàng sồr. Ngăi prău, Bàp-Yàng lăh: ‘‘Gĕh lăh Jơ̆i Pôăn Jơ̆ng ală mơta! ‘‘Ma gơ gĕn jềng mơ.

Tă gĕn, Bàp-Yàng lăh: ‘‘He pơjềng lă Kòn-Cău gĕh Hwềng kờt rùp He, bài hìng-nău, bol khăi ăt bồ jơ̆h jơ nău tăm tiăh’‘. Lồc lăh bê gĕn Bàp-Yàng ăi bùh ù pơjềng dul nă cău klău, lồc gĕn khồm dul nơ̆m Hwềng ờ gŏ chài chơ̆t tăm să cău gĕn. Bê gĕn, Bàp-Yàng pơjềng Kòn-Cău bơ̆h chŭp bơ̆h chờm.

Bàp-Yàng sơnđăn khăi ‘’Adam’’, gơ bài lăh: ‘’Pơjềng bơ̆h u’’. Bàp-Yàng cơ tơ jơ̆h gơ Khăi Pơjềng. Khăi bàn jơ̆h gơ gĕn niăm ngăn, hèr ngăn. Bàp-Yàng ơ̆m pơdơ̆h Ngăi pŏh, lồc gĕn pơniăm ngăi hơ̆.  

---

---

Nội dung được lấy từ: 

Sră goh Bơng-kŭa Yau

Center Montagnard

Les Péres Rédemtoristes 

DàLat (Fyan) VietNam

Bol cau mblàng Sr.Dàmin CsR
Rev, Sylvère Drouin C.Ss.R.
Lé Pè ré Rédemtoristes
Dà làc (Fyan) Vietnam.
Pôgru K’Pŏh (Pàng – Tìng) ƀòn Dà-làc.

1e Edition: Fête
du Christ-roi, 27 Oct.1957
2e Edition: Fête du SS.Redempteur: 19-7-1959
3e Edition: Fête de la Toussaint: 1 nov.1964.